“Ermənistanda keçirilən seçkilər Azərbaycanda hərtərəfli araşdırılmalıdır. Əminəm ki, bu seçkilərin özəlliyindən çox yazılacaq. Müharibəni biabırcasına uduzmuş bir hakimiyyətin xalq tərəfindən ikinci dəfə seçilməsi səbəbləri çoxlu maraq doğuracaq”.
PİA.az-ın xəbərinə görə, bunu hüquqşünas Aslan İsmayılov deyib.
A.İsmayılov bildirib ki, Ermənistanda və Rusiyada olan erməni məmur-oliqarxlar var gücləri ilə Köçəryanın seçilməsinə çalışdılar: “Bunun üçün əllərində olan bütün maddi, informasiya mənbələrini işə saldılar və əvəzində heç nə qazanmadılar. Aram qabrielyanovlar, marqarita simonyanlar, solovyovlar, poznerlər və digər kaftar sürüləri - “media kapitanları” dəridən-qabıqdan çıxsalar da, içlərində olan zəhərləri ətrafa püskürsələr də, bütün murdarlıqlarını ortaya qoysalar da heç nəyə nail ola bilmədilər. Azərbaycan hakimiyyəti ayrıca bu halı araşdırmalı, bizim uzun illər Ramiz Mehdiyev - Əli Həsənov tərəfindən bəslənən kaftar sürüsündən canını qurtarmalı və normal, bu günkü çağırışlara cavab verən mediyanın qurulmasına çalışmalıdır”. (Pravda.az)
pia.az