“Ölkəmizə qarşı müəyyən dairələr tərəfindən təzyiqlər üçün düymə basılıb”

Məhəmməd Əsədullazadə yazır

Avropa İttifaqı ilə Azərbaycan arasında hərtərəfli çərçivə sazişinin bağlanması üzrə aparılan danışıqlar baş tutmadı. Avropa İttifaqı artıq, Azərbaycanla hərtərfli saziş imzalamayacaq. İttifaq saziş üçün Azərbaycan tərəfinə yeni şərtlər irəli sürüb.

Görünür, ölkəmizə qarşı müəyyən dairələr tərəfindən təzyiqlər üçün düymə basılıb. Yeni şərtlərə əsasən, Brüssel məhkəmə sisteminin azadlığı, plüralizm və insanhüquqları sahəsində islahatlar və digər şərtlər irəli sürüb. Avropa İttifaqı hesab edir ki, hərtərəfli saziş adlanan müqavilə təkcə, şirkətləri deyil, vətəndaşların da faydalanmasını təmin etməlidir.

Qeyd edim ki, iki ilə yaxındır ki, Brüssellə rəsmi Bakı arasında danışıqlar aparılır. Bu danışıqlarda və razılaşdırılan bəndlərdə həmin şərtlər çıxarılmışdı. Və, payızda hərtərəfli çərçivə sazişinin bağlanılması gözlənilirdi. Azərbaycan Avropanın enerji şaxələndirilməsi siyasətində əsas ölkədir. Qitənin enerji təhlükəsizliyi üçün geoiqtisadi lahiyələrə imza atır. Brüssel və Bakı ortaq mövqe nümayiş etdirib, çərçivə sazişini bağlamalıdır.

Yenidən İttifaqın yadına bu şərtlərin düşməsi təccüblü deyil. Çünki Azərbaycan regionda bir sıra uğurlu lahiyələrə imza atır və regionda dəyişən şərtlər bunları hərəkətə gətirib. Təbii ki, bu şərtlər ölkəmizin hüquqi və demokratik inkişafı üçündür. Yenidən danışıqların bərpası və şərtlərin rəsmi Bakı tərəfindən qəbul edilməsini arzu edirik.

pia.az