"Azərbaycan Rusiya və ABŞ-ın münaqişəni həll etmək üçün birgə çalışdığı azsaylı ölkələrdən biridir"
"Report" "Lincoln County News"a istinadən xəbər verir ki, bu barədə ABŞ-ın Azərbaycandakı səfiri Robert Sekutanın qələmə aldığı məqalədə deyilir: "ABŞ münaqişənin diplomatik həllinin tapılması üçün Fransa və Rusiya ilə birgə işləyir.
Səfirlər iki ölkənin liderlərini bir araya gətirmək iqtidarındadırlar. Bununla belə, münaqişənin həlli Azərbaycan və Ermənistanın liderlərindən asılıdır", – deyə diplomat bildirib.
Səfir məqaləsində Dağlıq Qarabağ münaqişəsinin tarixi ilə bağlı məlumatlar təqdim edib, həmçinin Azərbaycanı terrorizmlə mübarizədə mühüm tərəfdaş adlandırıb.
Bundan əlavə, R.Sekuta Azərbaycanla birgə həyata keçirilən neft-qaz sənayesi sahəsindəki böyük layihələr barədə məlumat verib və 40 milyard dollar dəyərində olan TAP layihəsini xüsusi vurğulayıb.
R.Sekuta məqalədə Azərbaycanın təbii sərvətindən də söz açıb.
pia.az