Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Məni Cümhuriyyət tədbirlərinə dəvət etmədilər” - Eks-prezident


“Prezident İlham Əliyevin 2018-ci ili “Cümhuriyyət ili” elan etməsi tarixi hadisədir. Bir zamanlar Cümhuriyyətimizlə bağlı tədbirlərin keçirilməsinə hazır deyildik. Elə bir imkan da yox idi. Amma indiki halda dövlət səviyyəsində bu cür tədbirlərin keçirilməsi təqdirəlayiq haldır”


Bunu Modern.az-a açıqlamasında eks-prezident Ayaz Mütəllibov 2018-ci ilin “Cümhuriyyət ili” elan edilməsindən danışarkən deyib.

O, Cümhuriyyətlə bağlı tədbirlərə dəvət olunmamasına da münasibət bildirib.

“Rəsmi olaraq Cümhuriyyətimizlə bağlı tədbirlərə dəvət olunmamışam. Mənim dəvət olunmamağım o qədər də vacib məsələ deyil. Əsas odur ki, qoy, dövlətimizdə bu cür tədbirlər çox keçirilsin. Söhbət məndən getmir. Bütövlükdə bu cür tədbirlərin baş tutmasını görəndə sevinirəm ki, Cümhuriyyətimiz tam mənada özünü doğrultdu. Dövlətimizin və xalqımızın diqqəti göz önündədir”.

Eks-prezident Sovet dövründə Azərbaycan Xalq Cümhuriyyətinin qurucularına olan laqeydlikdən də danışıb.

“Sovet dövründə Cümhuriyyət qurucularımız haqqında hər hansı söhbət getmirdi. Sovet hökumətinin xüsusiyyətləri hamımıza bəllidir. Sovet rejimi tam fərqli idi. Ayrı-ayrı respublikaların dövlət xadimləri arxa plana keçirilmişdi. Millətlərin tarixi keçmişini unutdurmağa çalışırdılar. Geniş mənada Cümhuriyyəti quran Məhəmməd Əmin Rəsulzadə və digərləri haqqında hər hansı fikir söyləmək yasaq idi. Düzdü, bununla bağlı cəza tətbiq edilmirdi. Sadəcə, dövlət səviyyəsində onları yaddaşlardan silməyə çalışıblar. Amma xalq onları hər zaman qəlbində yaşatdı”.

Ayaz Mütəllibov müstəqil Azərbaycana rəhbərliyi dövründə Cümhuriyyətlə bağlı ideyasından da söz açıb.

“Sovet dövründə Cümhuriyyətimizlə bağlı hər hansı ideya ortaya atmamışam. Bütün səylərim Müstəqillik Aktının qəbul edilməsi istiqamətində olub. Bu, dövrümə düşən tarixi hadisədir. Yadımdadır ki, ikinci dəfə mütəqilliyimizi bərpa edəndə Cümhuriyyətimizin bizə bəxş etdiyi bayrağımıza, himnimizə yenidən sahib olduq. Əsasən Azərbaycanın müstəqillik qazanması ətrafında söhbətlər edirdik. Düzü, prezident olduğum dönəmlərdə Cümhuriyyətimizlə bağlı nəsə düşünməmişdik. Məqsədimiz o idi ki, ikinci müstəqilliyimizi əngəlsiz olaraq yaşadaq”.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Məşhur vəkilə qarşı ittiham: 7 min manat pul alıb    

Politoloq: Ukraynadan sonra növbəti qurban Ermənistan seçiləcək...

Sabiq milli təhlükəsizlik naziri Namiq Abbasov vəfat edib

Ərəstun Oruclu: Ermənistanda və Moldovada konfliktlərin qaynar fazaya keçməsini istisna etmirəm...

Azərbaycan XİN Namiq Abbasovun vəfatı ilə bağlı paylaşım edib

Əhməd Əhmədov təcridxanaya qaytarıldı - Bundan sonrakı hüquqi qiymətləndirmə necə olacaq?

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

“Crocus”da insanları xilas edən Emil Hüseynov və anası baş verənlərdən danışdılar - Video

Ən çox oxunanalar