Bu gün Bakı Ağır Cinayətlər Məhkəməsində "Çudo Peçka” və “ÇP Aqro” MMC-nin təsisçisi Çingiz Cəlilovun cinayət işi üzrə məhkəmə iclası davam etdirilib
APA-nın xəbərinə görə, hakim Əhməd Quliyevin sədrlik etdiyi iclasda prosesdə şahid qismində Nazim Aslanov ifadə verib. O, bildirib ki, adına bankdan pul götürülüb: "Mən qohum kimi köməklik etdim. Pulları "Çudo Peçka"nın inkişafı üçün götürmüşdük".
Digər şahid Samir Məmmədov ifadəsində bildirib ki, "Çudo Peçka"nın “28 May”da yerləşən mağazasında müdir vəzifəsində çalışıb. O bildirib ki, mağaza arendaya götürülüb və alınan kreditlər avadanlıqların alınmasına xərclənib.
Sonra təqsirləndirilən Ç. Cəlilovun qohumu Elmar Hüseynov ifadə verib. O bildirib ki, şirkətin Nəsimi filialının müdiri olub. Şahid ifadəsində adına kredit götürüldüyü və bu pulların "Çudo Peçka" rəhbərliyinə verildiyini deyib.
Elmar Hüseynov isə qeyd edib ki, Çingiz Cəlilovla xalaoğludurlar: "Nəsimi bazarının yaxınlığında olan mağazada müdir olmuşam. 2008-ci ilə qədər orda çalışmışam. Yardım məqsədilə adıma pul götürülüb. Bankda pulları götürüb rəhbərlikdə olan Pərvizə vermişəm".
Proses fevralın 15-də davam etdiriləcək.
Baş Prokurorluğun mətbuat xidmətinin yaydığı məlumatda qeyd edilib ki, keçirilmiş istintaq-əməliyyat tədbirləri ilə müəyyən edilib ki, “Çudo Peçka” və “ÇP Aqro” MMC-lərinin təsisçisi Cəlilov Çingiz Asim oğlu “Bank Standard” QSC Kommersiya Bankının İdarə Heyətinin sədri olmuş Kriman Səlim Eldaroviçlə qabaqcadan razılaşmaqla əlbir olaraq həmin dövrdə banka müxtəlif mənbələrdən, o cümlədən xarici və daxili investorlardan və depozitlərdən daxil olmuş külli miqdarda pul vəsaitləri hesabına 21 milyon 874 min manat məbləğində krediti bankın Müşahidə Şurasının razılığı olmadan dəyəri süni olaraq artıq qiymətləndirilmiş əmlakları girov qoymaqla özünün, yaxın qohumlarının və qohumluq münasibətində olduğu, eləcə də rəhbərlik etdiyi cəmiyyətlərdə işləyən ayrı-ayrı şəxslərin adlarına guya bağ evinin alınması, mənzil təmiri, torpaq alınması və bu kimi digər təyinatlarla rəsmiləşdirilməsinə nail olub, daha sonra qeyd olunan kredit müqavilələri əsasında banka guya külli miqdarda kredit borcu olduğu görüntüsünü yaradaraq bir neçə dəfə restrukturizasiya (kreditin və ya onun ödənilməsi şərtlərinin dəyişdirilməsi) etdirməklə mənimsədiyi 13 milyon 962 min manat pul vəsaitini Səlim Krimanla öz aralarında bölüb.
Ç. Cəlilovun qeyd edilən kredit məbləğlərini bankın vəzifəli şəxsləri ilə əlbir olaraq öz qulluq mövqeyindən istifadə etməklə təyinatından yayındırmaqla şəxsi ehtiyaclarına xərcləməsində şübhələr üçün əsaslar yarandığından ona Cinayət Məcəlləsinin 179.3.2 (külli miqdarda mənimsəmə və ya israf etmə, yəni təqsirkara etibar edilmiş özgə əmlakını talama) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib.
pia.az
Digərxəbərlər
Populyar xəbərlər
